18+ නම් මැජික් වයස සහ බටහිර සදාචාර රාමුව

බටහිර මුස්ලිම් නොවන විකාර පිළිබඳ හාස්‍යජනක උදාහරණයක් මෙසේය: “Ages we had our kids” (අපට දරුවන් ලැබුණු වයසවල්) නමැති කෙටි වීඩියෝවක, අඹුසැමි යුවළක් ඔවුන්ගේ විවිධ දරුවන් උපදින විට ඔවුන් එක් එක්කෙනාගේ වයස කොපමණදැයි පෙන්වමින් සිටියහ. එහිදී පළමු දරුවා උපදින විට මවගේ වයස අවුරුදු 17ක් වූ අතර පියාගේ වයස අවුරුදු 19කි.

එහි අදහස් දැක්වීම් (comment) තීරුවේ, ඉහළින්ම තිබූ එක් ප්‍රධාන අදහසක් මෙසේ විය: “17? එතකොට එයාට 19යි? හ්ම්ම්... ඒක අපරාධයක්!”

ඔවුන් අතර වයස් පරතරය තිබුණේ අවුරුදු දෙකක් පමණි, නමුත් ගැහැණු ළමයා අවුරුදු 18ට අඩු සහ පිරිමි ළමයා 18ට වැඩි වූ නිසා, මෙය බටහිර නීතියට අනුව අපරාධමය වරදක් ලෙස සළකනවා 

අනෙක් අය මේ පුද්ගලයාට පිළිතුරු දෙමින් කලබල වී, ඔහුව සන්සුන් කිරීමට සහ මෙම "අපරාධය" සාධාරණීකරණය කිරීමට උත්සාහ කරමින් මෙවැනි දේ කියා තිබුණි:

• “ඒක ප්‍රශ්නයක් නැහැ, ඔවුන් අතර වෙනස අවුරුදු 2යිනේ!”

• “කූල් එකේ ඉන්න යාළුවා, ඒක ලොකු වයස් පරතරයක් නෙවෙයි.”

• “ඔවුන් දෙන්නම යොවුන් වියේ පසුවෙද්දී උසස් පාසලේදී (high school) එකට හිටියේ, ඉතින් ඒක සම්පූර්ණයෙන්ම සාමාන්‍යයි!”

• “ඒක පටන් ගත්තේ ඔවුන් දෙන්නම 18ට අඩු කාලෙදි, ඉතින් ඒක අවුලක් නැහැ.”

• “කලබල නොවී ඉන්න, ඔහුට 19 ලැබුණේ ළඟදී!”

මේ කලබලය (panic) දැකලා මට හිනා නො ගොස් ඉන්න බැහැ. මෙහි ඇති නො ගැලපීම ඇත්තටම හාස්‍යජනකයි.

සෙකුලර් බටහිර වැසියන් (secular westerners) විසින් සොයාගෙන ඇති එක් විශාල රීතියක් නම් එකඟතාව සඳහා වන වයස (age of consent) අවුරුදු 18 ලෙස නියම කිරීමයි. ඒ අනුව, නූතන ලිබරල් බටහිර මනසට අනුව 18 කියන ඉලක්කමේ මොකක් හරි විශේෂත්වයක් තියෙනවා; යමෙකුට මේ මැජික් 18 වයස සම්පූර්ණ වූ වහාම, ඔහු හෝ ඇය නිල වශයෙන් "වැඩිහිටියෙකු" බවට පත්වෙනවා (හැබැයි මත්පැන් පානය කිරීම හැරුණු විට, ඒ සඳහා ඔවුන් 21 නමින් තවත් මැජික් ඉලක්කමක් හදාගෙන තියෙනවා).

(ඇත්ත වශයෙන්ම, ඇමරිකාවේ සහ යුරෝපීය රටවල ඔවුන්ගේ ඉතිහාසයෙන් වැඩි කාලයක් පුරා විවාහ විය හැකි අවම වයස අවුරුදු 7, 9 සහ 10 වැනි මට්ටම්වල තිබූ බව අමුතුවෙන් කිව යුතු නැත.)

නූතන ලිබරල් චින්තනයන්ට අනුව, එක් අයෙකු අවුරුදු 18ට අඩු සහ අනෙක් පුද්ගලයා 18ට වැඩි යුවළක් අතර බරපතල වරදක් පවතී. එහිදී 18ට වැඩි සහකරු, 18ට අඩු තරුණ පාර්ශවය තමන්ගේ වාසියට ගොදුරු කරගන්නා "දඩයම්කරුවෙකු" (predator) ලෙස සලකනු ලැබේ.

ඇත්ත වශයෙන්ම, බටහිර ඇතැම් නීති පද්ධතීන් තුළ පවතින මැජික් වයස් නිසා, 18ට වැඩි සහ 18ට අඩු  යුවළ අතර සිදුවන සමීප සබඳතාවක් වුවද 'ව්‍යවස්ථාපිත ස්ත්‍රී දූෂණයක්' (statutory rape) ලෙස අපරාධයක් වීමේ අවදානමක් ඇත. 

මුස්ලිම් නොවන ලෞකිකවාදීන් ඉස්ලාම් දහමට පහර දීමටත්, මුහම්මද් නබිතුමා ﷺ "ළමා අපචාරකයෙකු" (pedophile) ලෙස හුවා දක්වමින් අපහාස කිරීමටත් ප්‍රධාන හේතුව මෙයයි. ඒ, එතුමා ﷺ අපගේ ආදරණීය ආයිෂා (රළියල්ලාහු අන්හා) මව්තුමිය 18ට වඩා අඩු වයසක පසුවෙද්දී සහ එතුමා 18ට වැඩි වයසක පසුවෙද්දී ඇයව විවාහ කරගත් බැවිනි. මෙම විශාල වයස් පරතරය ලෞකික චින්තනයට අනුව සමාජයීය වශයෙන් තහනම් (taboo) දෙයක් වන අතර, ඒ නිසා ඔවුන් මහත් සේ කලබලයට පත්ව, කෝපයෙන් හා කම්පනයෙන් කෑගසති.

ඇත්ත වශයෙන්ම, මුස්ලිම්වරුන් වන අපට කිසිදු නිශ්චිත ඉලක්කමක් කෙරෙහි මෙවැනි අතාර්කික ඇලීමක් නැත. අපි 18 වයස "ළමා කාලය" සහ "වැඩිහිටි කාලය" වෙන් කරන කිසියම් මැජික් සීමාවක් ලෙස මුලාවී නැත. අවුරුදු 18ට පෙර පවතින අපරිණතභාවය සහ 18 සම්පූර්ණ වූ පසු එක රැයකින් ලැබෙන පරිණතභාවය අතර මෙවැනි අත්තනෝමතික සීමාවන් අපි නොපනවන්නෙමු. මුස්ලිම්වරුන් වන අපට, වයස අවුරුදු 17ක කෙනෙකු සහ 19ක කෙනෙකු අතර සිදුවන විවාහයක් අපරාධයක් නොවේ.

සැබවින්ම, විවාහ ජීවිතයකට ඇතුළත් වීමට ඇති පරිණතභාවය සහ සූදානම කිසිදු සංඛ්‍යාත්මක වයසක් මත රඳා නොපවතින අතර, එය රඳා පවතින්නේ ශාරීරික හා චිත්තවේගීය වර්ධනය මෙන්ම ජීව විද්‍යාත්මක යථාර්ථයන් සහ සංඥා මතය. ස්ත්‍රී පුරුෂ භාවයට ආවේණික වූ විවිධ ලක්ෂණ සමඟින් වැඩිවිය පැමිණීමත් (puberty) සමඟම, මිනිසා විවාහය සඳහා සුදුසුකම් ලබයි. ශාරීරික පරිණතභාවයේ ලක්ෂණ මතු වීමත්, ඒ සමඟම ඇති වන චිත්තවේගීය හා මානසික වර්ධනයත් සමඟ ගැහැණු සහ පිරිමි ළමයින්, ස්ත්‍රීන් සහ පුරුෂයන් බවට පත් වෙති. ඒ සඳහා එකම නිශ්චිත වයසක් හෝ මැජික් ඉලක්කමක් නැත. සෑම පුද්ගලයෙකුම එකිනෙකාට වෙනස් බැවින්, වැඩිවියට පත්වන සහ පරිණතභාවයට පත්වන වයස් පරාසයන් විවිධ වේ.

මුස්ලිම්වරුන් වන අපට 18 යන ඉලක්කමෙන් විශේෂ අර්ථයක් ප්‍රකාශ නොවේ. නමුත් මුස්ලිම් නොවන අයට, 18 යනු සියල්ල තීරණය කරන මැජික් ඉලක්කමයි. 18 යනු යම් දෙයක් එක රැයකින් වචනයේ පරිසමාප්ත අර්ථයෙන්ම අපරාධයක් බවට පත් කරන ඔවුන්ගේ ශුද්ධ වූ ඉලක්කමයි!

අල්හම්දුලිල්ලාහ්, ඉස්ලාමය යනු වඩාත්ම සදාචාරාත්මක, වඩාත්ම තාර්කික සහ මිනිස් ස්වභාවයට (ෆිත්රාවට - fitra) වඩාත්ම අලංකාර ලෙස ගැළපෙන ජීවන ක්‍රමයයි.

"තාර්කිකත්වය", නිවැරදිභාවය සහ සදාචාරාත්මක උත්කෘෂ්ටභාවය පිළිබඳ බටහිර ලිබරල්වාදීන්ගේ ඒකාධිකාරී මවාපෑම් හුදෙක් හිස් ප්‍රකාශ පමණි. දිව්‍යමය මඟපෙන්වීමකින් (divine guidance) තොරව, මිනිස් මනසට සියල්ල තාර්කිකව හෝ බුද්ධිමයව වටහාගත නොහැක. මිනිසුන් වන අප සීමිත වන අතර මිනිස් බුද්ධියට එහා ගිය බොහෝ දේ ලෝකයේ පවතී.

මුස්ලිම්වරුනි, ඔබේ හිස කෙළින් තබාගෙන, ඔබේ දහම (දීන්) පිළිබඳව සාඩම්බර අභිමානයක් (ඉස්සාහ් - `izza) ඇති කරගන්න. ඉස්ලාම් දහම ලැබීම පිළිබඳව අල්හම්දුලිල්ලාහ්!